Katta Jorj Bush shifoxonaga olib ketildi

AQSh sobiq prezidenti katta Jorj Bush qon zaharlanishi tufayli tezkorlik bilan shifoxonaga olib ketildi. Bu haqda Fox News telekanali Bushlar oilasi rasmiy vakili Jim Makgratga asosan xabar bermoqda.

«U davolanishga reaksiya bermoqda va, aftidan, tiklanmoqda. Biz qo‘shimcha ma'lumotni vaziyat rivojiga qarab berib boramiz», - deya aytib o‘tdi Makgrat.

Ta'kidlanishicha, katta Bush rafiqasi Barbara Bush dafn etilganidan bir kun o‘tib, yakshanba kuni shifoxonaga olib ketildi. Barbara Bush 18 aprel kuni 92 yoshida hayotdan ko‘z yumdi.