O‘zbekiston va Janubiy Koreya to‘qimachilik texnoparki qurilishini jadallashtiradi

May oyi boshida «O‘zto‘qimachiliksanot» uyushmasida Toshkent shahrida barpo etilayotgan o‘zbek-koreys o‘quv-amaliy to‘qimachilik texnoparki qurilish ishlarini jadallashtirish bo‘yicha koreyalik hamkorlar bilan uchrashuv bo‘lib o‘tdi.

Uchrashuvda Toshkent shahrida barpo etilayotgan o‘zbek-koreys o‘quv-amaliy to‘qimachilik texnoparki qurilish ishlarini jadallashtirish masalasi, kelgusidagi rejalar muhokama qilindi. Unda KITECH instituti, Ilkwang construction va Urban Architechture kompaniyalari vakillari ishtirok etdi.

Uchrashuv davomida loyihani amalga oshirishda yuzaga kelayotgan muammolar shuningdek, kun tartibida qo‘yilgan boshqa masalalar tegishlicha o‘rganib chiqildi hamda zaruriy choralar ko‘rilishga, shu bilan birga, qisqa muddatlarda texnopark to‘liq ishga tushirilishi davrini o‘z ichiga oluvchi tezlashtirilgan tarmoq jadvali tayyorlanib, imzolashga kelishib olindi.