Abdulaziz Komilov Gyunter Overfeld bilan yana muzokaralar o‘tkazdi 

2018 yilning 28 may kuni O‘zbekiston Respublikasi tashqi ishlar vaziri Abdulaziz Komilov Germaniya Federativ Respublikasining favqulodda va muxtor elchisi Gyunter Overfeldni qabul qildi. Bu haqda TIV axborot xizmati xabar bermoqda.

Suhbat chog‘ida oliy va boshqa darajalarda bo‘lajak O‘zbekiston-Germaniya uchrashuvlari jadvali va kun tartibi yuzasidan fikr almashildi hamda rejalashtirilgan ikki tomonlama tadbirlarga tayyorgarlik ko‘rishning amaliy masalalari muhokama qilingan.

Eslatib o‘tamiz, avvalroq 23 may kuni ham O‘zbekiston Respublikasi tashqi ishlar vaziri Abdulaziz Komilov Germaniya Federativ Respublikasining favqulodda va muxtor elchisi Gyunter Overfeld bilan muzokaralar o‘tkazgandi.