Isroil HAMASning G‘azo sektoridagi obektlariga aviazarbalar berdi

Foto: REUTERS/Suhaib Salem

Isroil armiyasi G‘azo sektoridagi taxminan 25ta obektga hujum qildi. Bu haqda Isroil harbiy-havo kuchlarining tvitterdagi sahifasida xabar berilgan.

«Isroil armiyasi jangovar samolyotlar, vertolyotlar va uchar qurilmalar yordamida HAMASning G‘azo sektoridagi obektlariga taxminan 25ta zarba berdi», - deyiladi xabarda.

Ta'kidlanishicha, zarba falastinliklar tomonidan yangi hujumlarga javoban berilgan.

Halok bo‘lganlar yoki jarohat olganlar haqida ma'lumot hozircha yo‘q.

Eslatib o‘tamiz, avvalroq Isroil armiyasi falastinliklar hujumi haqida ma'lum qilgandi.

Tayyorlagan Отабек Матназаров

#Isroil #G‘azo #Hamas

2018 yil 14 may kuni Quddusda AQSh elchixonasi ochilishiga javoban falastinliklar G‘azo sektorida norozilik namoyishlari o‘tkazishdi. Natijada Isroil harbiylari bilan qurolli to‘qnashuvlar kelib chiqib, o‘nlab falastinlik halok bo‘ldi.