Исроил ҲАМАСнинг Ғазо секторидаги объектларига авиазарбалар берди

Фото: REUTERS/Suhaib Salem

Исроил армияси Ғазо секторидаги тахминан 25та объектга ҳужум қилди. Бу ҳақда Исроил ҳарбий-ҳаво кучларининг твиттердаги саҳифасида хабар берилган.

«Исроил армияси жанговар самолётлар, вертолётлар ва учар қурилмалар ёрдамида ҲАМАСнинг Ғазо секторидаги объектларига тахминан 25та зарба берди», - дейилади хабарда.

Таъкидланишича, зарба фаластинликлар томонидан янги ҳужумларга жавобан берилган.

Ҳалок бўлганлар ёки жароҳат олганлар ҳақида маълумот ҳозирча йўқ.

Эслатиб ўтамиз, аввалроқ Исроил армияси фаластинликлар ҳужуми ҳақида маълум қилганди.

Тайёрлаган Отабек Матназаров

#Исроил #Ғазо #Ҳамас

2018 йил 14 май куни Қуддусда АҚШ элчихонаси очилишига жавобан фаластинликлар Ғазо секторида норозилик намойишлари ўтказишди. Натижада Исроил ҳарбийлари билан қуролли тўқнашувлар келиб чиқиб, ўнлаб фаластинлик ҳалок бўлди.