O‘zbekiston va Rossiya AES qurilishi bo‘yicha muzokara o‘tkazadi

Foto: Rosatom

«Rosatom» delegatsiyasi amaliy tashrif bilan O‘zbekistonda bo‘lib turibdi. Bu haqda «Xalq so‘zi» xabar berdi.

Qayd qilinishicha, korporatsiya vakillari o‘zbek tomoni bilan atom sohasidagi hamkorlikni yanada rivojlantirish masalalarini muhokama qilmoqda. O‘zbekiston va Rossiya atom elektr stansiyasi qurish bo‘yicha kelishuvni tayyorlashni davom ettirmoqda.

Rossiya delegatsiyasini korporatsiya bosh direktori Aleksey Lixachyov boshqarmoqda. Ma'lumotlarga ko‘ra, delegatsiyani O‘zbekiston prezidenti Shavkat Mirziyoyev tomonidan qabul qilinishi kutilmoqda, deyiladi xabarda.

Eslatib o‘tamiz, avvalroq «Rosatom» O‘zbekiston bo‘yicha bayonot bergandi.