Yaponiya bosh vaziri KXDR bo‘yicha xalqaro jamg‘arma tashkil etilishini xohlamoqda

Yaponiya bosh vaziri Sindzo Abening ma'lum qilishicha, mamlakat hukumati Shimoliy Koreya yadrosizlanishini moliyalashtirish uchun xalqaro jamg‘arma tashkil etilishini xohlaydi. Bu haqda RIA «Novosti» xabar bermoqda.

Agentlik ma'lumotlariga ko‘ra, Abe xalqaro hamjamiyat Koreya yarim orolining butunlay yadrosizlanishini moliyalashtirishi mumkin bo‘lgan tuzilma tashkil etilishi mumkin ekanini istisno qilmagan.

Ta'kidlanishicha, bosh vazir KXDRning yadro qurolidan voz kechish mexanizmi tashkil qilinishini ham xohlamoqda.

Eslatib o‘tamiz, avvalroq Kim Chen In Singapurdagi sammitdan so‘ng darhol KXDRga yetib borgani xabar berilgandi.