Япония бош вазири КХДР бўйича халқаро жамғарма ташкил этилишини хоҳламоқда

Фото: РИА Новости /Михаил Климентьев

Япония бош вазири Синдзо Абэнинг маълум қилишича, мамлакат ҳукумати Шимолий Корея ядросизланишини молиялаштириш учун халқаро жамғарма ташкил этилишини хоҳлайди. Бу ҳақда РИА «Новости» хабар бермоқда.

Агентлик маълумотларига кўра, Абэ халқаро ҳамжамият Корея ярим оролининг бутунлай ядросизланишини молиялаштириши мумкин бўлган тузилма ташкил этилиши мумкин эканини истисно қилмаган.

Таъкидланишича, бош вазир КХДРнинг ядро қуролидан воз кечиш механизми ташкил қилинишини ҳам хоҳламоқда.

Эслатиб ўтамиз, аввалроқ Ким Чен Ин Сингапурдаги саммитдан сўнг дарҳол КХДРга етиб боргани хабар берилганди.