Seul Koreya urushi shu yil tugashiga umid qilmoqda

Janubiy Koreya TIV rahbari Kan Gen Xvaning ma'lum qilishicha, Seul Koreya urushi shu yil yakun topishiga umid qilmoqda. Bu haqda «Ryonxap» xabar berdi.

Uning ta'kidlashicha, Janubiy Koreya AQSh bilan bu borada maslahatlashuvlar o‘tkazmoqda, hamda Shimoliy Koreya-Amerika sammitlarida shunday imkoniyat muhokama qilingan.

«Urush yakunlanishi to‘g‘risidagi deklaratsiyaning shu yil oxirigacha imzolanishi - bizning hukumatimiz maqsadi», - deya ma'lum qildi Kan Gen Xva.

Uning so‘zlariga ko‘ra, KXDR yadrosizlanish jarayonini davom ettirishi lozim.

Eslatib o‘tamiz, avvalroq Kim Chen In yana bir davlat yetakchisi bilan uchrashishi mumkin ekani xabar qilingandi.