Toshkent islom institutida to‘lov-shartnoma miqdori qancha?

O‘zbekiston Respublikasi prezidenti Shavkat Mirziyoyevning 2018 yil 11 iyun kunidagi “Ramazon hayitini nishonlash to‘g‘risida”gi qarori bilan 15 iyun dam olish kuni sifatida belgilanganligi sababli abituriyentlardan oliy ta'lim muassasalariga hujjatlar 16 iyundan boshlab qabul qilinishi haqida xabar berilgandi.

Imom Buxoriy nomidagi Toshkent islom instituti saytidagi ma'lumotlarga ko‘ra, institutga “Oliy ta'lim muassasalariga abituriyentlarni o‘qishga qabul qilish tartibi to‘g‘risida”gi Nizom talablariga muvofiq O‘zbekiston musulmonlari idorasi tasarrufidagi o‘rta maxsus islom bilim yurtini bitirganligi haqida diplomga ega bo‘lgan O‘zbekiston Respublikasining fuqarolarining hujjatlari qabul qilinadi.

Toshkent islom institutida qabul imtihonlari quyidagi fanlardan va quyidagi tartibda bo‘lib o‘tadi:

– Arab tili (og‘zaki, ijodiy imtihon)  63 ball
–  Fiqh va aqoid (test sinovi) 30 x 3,1= 93 ball
–  O‘zbekiston tarixi (test sinovi) 30 x 1,1= 33 ball

Toshkent islom instituti Qabul hay'ati ish faoliyati O‘zbekiston musulmonlari idorasi tomonidan tasdiqlangan buyruq va nizomga asosan kunduzgi ta'lim yo‘nalishida 16 iyundan 10 iyulgacha, Maxsus sirtqi bo‘limga 16 iyundan 30 iyungacha soat 9:00 dan 17:00 ga qadar (12:30 dan 13:30 gacha tushlik) belgilandi.

Imom Buxoriy nomidagi Toshkent islom institutida o‘tgan 2017-2018 o‘quv yili kunduzgi ta'lim uchun to‘lov-shartnoma miqdori 7 475 000 (yetti million to‘rt yuz yetmish besh ming) so‘m, maxsus sirtqi ta'lim uchun to‘lov-shartnoma miqdori 6 500 000 (olti million besh yuz ming) so‘m qilib belgilangan.