Afg‘onistonda ta'lim boshqarmasiga hujum qilganlar bir necha kishini garovga olishdi

Afg‘oniston sharqida ta'lim boshqarmasiga qurolli hujum uyushtirgan shaxslar bir necha kishini garovga olishdi, deb xabar berdi Tolo News telekanali mahalliy mulozimlarga tayanib.

Voqea chorshanba kuni ertalab Nangarxar viloyati ma'muriy markazi Jalolobod shahrida yuz bergan. Telekanal ma'lumotiga ko‘ra, to‘qnashuvlar natijasida soqchi halok bo‘lgan. Hukumatdagi manba Pajvak agentligiga "hujum qilganlar kirish eshigi oldida portlovchi qurilmani ishga tushirishganidan so‘ng idoraga o‘t qo‘yishgan".

Tolo News telekanalining bildirishicha, voqea joyiga qo‘shimcha kuchlar yuborilgan. To‘qnashuv davom etayotganligi xabar qilinmoqda.