​Moldova parlamenti aralash saylov tizimiga o‘tadi

Moldova parlamenti aralash saylov tizimiga o‘tish to‘g‘risidagi qonunni so‘nggi o‘qishda ​qabul qildi. Interfaksga ko‘ra, Demokratik partiyaning 74 nafar deputati, Yevropa Milliy guruhi va sotsialistlar partiyasi qonunni qo‘llab-quvvatlagan bo‘lsa, kommunistlar partiyasi oppozitsion fraksiyasi, Liberal-demokratik hamda Liberal partiya deputatlari bunga qarshi chiqishdi.

Ma'lum qilinishicha, saylov tizimidagi o‘zgarishlarga nisbatan norozilik oppozitsion partiya tarafdorlarining namoyishlari ko‘rinishida avj olyapti. Ularning fikricha, qonun kuchga kirsa, Demokratik partiya qudrati oshib ketishi mumkin. Politsiya parlament binosiga kirishga uringan namoyishchilarni to‘xtatib qolgan.

Ma'lumot uchun, Moldovada parlament saylovlari partiya ro‘yxatiga asosan o‘tkazildi. Amaldagi davlat rahbari Igor Dodon prezidentlik lavozimini egallaganidan so‘ng, aralash tizimni taklif qilgandi. Bunda deputatlarning yarmi partiya ro‘yxati bilan, qolganlari bir mandatli okrug tomonidan saylanadi.