Makgregor Nurmagomedovning avtobusiga hujum qilish ishi bo‘yicha kelishuvga boradi

Aralash yakkakurashlar bo‘yicha irlandiyalik jangchi Konor Makgregor rossiyalik sportchi Habib Nurmagomedovning avtobusiga hujum bo‘yicha ish yuzasidan tergov bilan hamkorlik qilishga rozi bo‘ldi.

USA Today xabariga ko‘ra, irlandiyalik ro‘y bergan hodisada o‘z aybini tan olgan va prokuror bilan kelishishga rozi bo‘lgan. Bularning bari u qamalmasligi uchun qilinadi.

Ta'kidlanishicha, ish bo‘yicha eshituvlar 26 iyul kuni bo‘lib o‘tadi. Kutilishicha, Makgregordan ikkita ayblov hukmi olib tashlanadi. Shuningdek, sportchi avtobus kompaniyasi va jangchining xatti-harakatidan jabr ko‘rgan barchaga tovon puli to‘lab beradi.