Lukashenko Rossiya bozoriga kamroq qaram bo‘lishni istamoqda

Belorussiya prezidenti Aleksandr Lukashenko Rossiya bozoriga kamroq qaram bo‘lishni va mamlakat qishloq xo‘jaligini rivojlantirishni jadallashtirishga shoshmaslikni istamoqda. Bu haqda Tut.by portali xabar berdi.

«Biz bu ishni tezlashtirmoqchi emasmiz, chunki sotish qiyin. Xitoy bozoriga qanday kirib borayotganimizni ko‘rib turibsiz, birgina Rossiya bozoriga qaram bo‘lib qolmaslik uchun butun dunyo bo‘ylab mahsulotlar savdosini divertsifikatsiya qilyapmiz. Biz ortig‘i bilan ishlab chiqarayotgan narsalarimizni sotish uchun hamma joyga boryapmiz», — dedi Belorussiya prezidenti. 

Davlat rahbarining fikricha, bitta bozorga qaram bo‘lib qolish mamlakat suvereniteti uchun xavfli. 

«Senda biror narsa yo‘q bo‘lsa va uni kimdir yetkazib beradigan bo‘lsa, u istagan vaqtida bo‘g‘zingdan olishi mumkin. Tamom: mustaqillik tugaydi», — dedi u.