Toshkent viloyatida yuk mashinasi beton to‘siqqa urilib, chuqurga tushib ketdi

Toshkent viloyatining Ohangaron tumanida yo‘l-transport hodisasi yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, 1 avgust kuni  X.M. boshqaruvidagi “Dong Feng” rusumli yuk avtomashinasini tuman hududidan o‘tuvchi M-39 yo‘lining yo‘l ta'mirlash ishlari olib borilayotgan 199-km.da haydab ketayotib, boshqaruvni eplay olmay beton to‘siqqa urilib chuqurga tushib ketgan.

Natijada yuk avtomashinasi texnik shikastlangan. Halok bo‘lganlar va jarohat olganlar yo‘q.