Тошкент вилоятида юк машинаси бетон тўсиққа урилиб, чуқурга тушиб кетди

Иллюстратив фото

Тошкент вилоятининг Оҳангарон туманида йўл-транспорт ҳодисаси юз берди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар қилмоқда.

Қайд этилишича, 1 август куни Х.М. бошқарувидаги “Донг Фенг” русумли юк автомашинасини туман ҳудудидан ўтувчи М-39 йўлининг йўл таъмирлаш ишлари олиб борилаётган 199-км.да ҳайдаб кетаётиб, бошқарувни эплай олмай бетон тўсиққа урилиб чуқурга тушиб кетган.

Натижада юк автомашинаси техник шикастланган. Ҳалок бўлганлар ва жароҳат олганлар йўқ.

Тайёрлаган: Отабек Матназаров

#ЙТҲ #Тошкент вилояти #Оҳангарон