Meksikada noma'lum shaxslar 11 kishini o‘ldirib ketdi

Meksikaning Chiuaua shtatida qurollangan shaxslarning turar-joylardan biriga amalga oshirgan hujumi natijasida 11 kishi halok bo‘ldi. Bu haqda Milenio xabar qilmoqda.

Nashr ma'lumotlariga ko‘ra, hujum oqibatida sakkiz erkak va uch nafar ayol o‘ldirilgan.

Ta'kidlanishicha, politsiyaning fikriga ko‘ra, bu hujum mahalliy ikkita jinoiy guruh o‘rtasidagi mojaro bilan bog‘liq bo‘lishi mumkin.

Shu bilan birga, qurbonlarning jasadlarida qiynoqlar izlari topildi.

Ayni paytda politsiya ro‘y bergan hodisaning barcha tafsilotlarini aniqlashtirmoqda.

Eslatib o‘tamiz, avvalroq Kolumbiyada bilyard klubi o‘qqa tutilishi tufayli 8 kishi halok bo‘lgandi.