Shimoliy va Janubiy Koreya yangi sammitga tayyorgarlikni boshladi

KXDR va Janubiy Koreya vakillari yangi Koreyalararo sammitining muddati va o‘tkazilish joyini muhokama qilishni boshladi. Bu haqda «Ryonxap» xabar bermoqda.

Agentlik ma'lumotlariga ko‘ra, ikki mamlakat vakillarining uchrashuvi Pxanmunjom chegara punktidagi qurolsizlantirilgan hududda bo‘lib o‘tmoqda.

Ta'kidlanishicha, Janubiy Koreya delegatsiyasiga Milliy birlashuv ishlari bo‘yicha vazir Cho Men Gyun, Koreya Xalq Demokratik Respublikasi delegatsiyasiga esa, Vatanni tinch birlashtirish bo‘yicha qo‘mita raisi Li Son Gvon boshchilik qilmoqda.

Eslatib o‘tamiz, avvalroq Shimoliy Koreya yadrosizlanish bo‘yicha AQShning «bosqinchilarga xos» talabini rad etgandi.