Andijonda garovda yutqazgan «Barselona» fanati «Real» muxlisini o‘ldirib qo‘ygan

Andijon viloyatining Marhamat tumanida bahsda pul yutqazib qo‘ygan «Barselona» fanati «Real» muxlisini bo‘g‘ib o‘ldirgan. Bu haqda Ichki ishlar vazirligining «Postda» nashrida xabar qilingan.

Ma'lum qilinishicha, muxlislar o‘tgan mavsumda Chempionlar ligasida qaysi jamoa g‘olib bo‘lishi bo‘yicha garov o‘ynashgandi. Natijada «Real» muxlisi 600 dollar tikilgan garovda yutib chiqqan. Ammo «Barselona» muxlisi pulni to‘liq to‘lay olmagan. Garovda yutgan esa pulni qistayvergach, undan qutulish uchun «Barselona» muxlisi uni bo‘g‘ib o‘ldirishga qaror qilgan.

Bu muxlis qotillik sodir etishda aybdor deb topilib, 18 yilga qamalgan.