Андижон вилоятининг Марҳамат туманида баҳсда пул ютқазиб қўйган «Барселона» фанати «Реал» мухлисини бўғиб ўлдирган. Бу ҳақда Ички ишлар вазирлигининг «Постда» нашрида хабар қилинган.
Маълум қилинишича, мухлислар ўтган мавсумда Чемпионлар лигасида қайси жамоа ғолиб бўлиши бўйича гаров ўйнашганди. Натижада «Реал» мухлиси 600 доллар тикилган гаровда ютиб чиққан. Аммо «Барселона» мухлиси пулни тўлиқ тўлай олмаган. Гаровда ютган эса пулни қистайвергач, ундан қутулиш учун «Барселона» мухлиси уни бўғиб ўлдиришга қарор қилган.
Бу мухлис қотиллик содир этишда айбдор деб топилиб, 18 йилга қамалган.
