Tramp Turkiya bo‘yicha yangi bayonot bilan chiqdi

Foto: AP

Amerika Qo‘shma Shtatlari prezidenti Donald Trampning ma'lum qilishicha, Turkiya uzoq yillar davomida «AQShdan foydalanib kelgan». Bu haqda Qo‘shma Shtatlar yetakchisi tvitterdagi o‘z sahifasida yozdi.

Trampning eslatishicha, Turkiya hukumati prezident «garovdagi buyuk vatanparvar» deb atagan amerikalik pastor Endryu Bransonni ushlab turibdi. AQSh prezidentining ta'kidlashicha, mamlakat uning ozod etilishi uchun «to‘lov»ni amalga oshirmaydi.

«Biz begunoh odamni ozod qilish uchun hech qanday pul to‘lamaymiz, ammo biz Turkiya uchun sarf-xarajatlarni kamaytiramiz!» - deb yozgan Tramp.

Eslatib o‘tamiz, avvalroq Erdo‘g‘an javob qadamini qo‘ygani xabar qilingandi.