Фото: AP
Америка Қўшма Штатлари президенти Дональд Трампнинг маълум қилишича, Туркия узоқ йиллар давомида «АҚШдан фойдаланиб келган». Бу ҳақда Қўшма Штатлар етакчиси твиттердаги ўз саҳифасида ёзди.
Трампнинг эслатишича, Туркия ҳукумати президент «гаровдаги буюк ватанпарвар» деб атаган америкалик пастор Эндрю Брансонни ушлаб турибди. АҚШ президентининг таъкидлашича, мамлакат унинг озод этилиши учун «тўлов»ни амалга оширмайди.
«Биз бегуноҳ одамни озод қилиш учун ҳеч қандай пул тўламаймиз, аммо биз Туркия учун сарф-харажатларни камайтирамиз!» - деб ёзган Трамп.
Эслатиб ўтамиз, аввалроқ Эрдўған жавоб қадамини қўйгани хабар қилинганди.
