Turkiya vs AQSh. Erdo‘g‘an javob qadamini qo‘ydi

Turkiya AQShning qator tovarlariga import boji miqdorini oshirdi. Bu haqda Reuters agentligi mamlakatning T.C. Resmi Gazete rasmiy gazetasiga tayangan holda xabar tarqatdi.

Mamlakat prezidenti Toyyib Erdo‘g‘an tegishli farmonni imzoladi, unga ko‘ra yengil avtomobillarga bojlar 120 foizga, alkogolga - 140 foizga, tamaki mahsulotlariga - 60 foizga, kosmetika mahsulotlariga - 60 foizga oshiriladi. Turkiya vitse-prezidenti Fuat Oqtayning tvitterdagi sahifasida yozishicha, mamlakat «AQSh ma'muriyatining bizning iqtisodiyotga qasddan hujumlariga javoban» bunday qadamga bordi.

Eslatib o‘tamiz, avvalroq Turkiya lirasi rekord darajagacha qulagandi. Deyarli 20 foizga qulash atigi bir kunning ichida yuz berdi - bu Turkiya iqtisodiyoti uchun rekord. Prezident Erdo‘g‘an fuqarolarni banklarga barcha pullarini olib borishga chaqirdi.

Oq uyning iqtisodiy maslahatchisi Kevin Xassett Turkiya bozoridagi tebranishlarga Amerika sanksiyalari va import bojlari oshirilishi bilan emas, balki demokratiyadan chetlashish bilan izoh berdi.