YeI Eronga 20 mln dollar ajratdi. AQSh bundan darg‘azab

AQSh Davlat departamentidan ma'lum qilishlaricha, Yevroittifoqning Eronga 20,7 million ajratish haqidagi qarori «noto‘g‘ri signal» hisoblanadi. Bu haqda idora matbuot xizmati bayonotida aytiladi.

Davlat departamenti fikriga ko‘ra, Vashington va Bryussel birgalikda Eron fuqarolarini qo‘llab-quvvatlash uchun yechimni qidirishlari kerak.

Ta'kidlanishicha, Qo‘shma Shtatlarning fikriga qaraganda, YeIning Eronga «iqtisodiy va sektoral» ikki tomonlama aloqalarni kengaytirish uchun pul ajratish haqidagi qarori «noto‘g‘ri paytdagi noto‘g‘ri signal» hisoblanadi.

Shu bilan birga, idoradan qayd etishlaricha, ushbu mablag‘lar terrorchilik faoliyati uchun ham ishlatilishi mumkin.

Eslatib o‘tamiz, avvalroq AQSh Eronga qarshi sanksiyalarni kuchaytirmoqchi ekani xabar qilingandi.