Rossiyada eng katta samolyot-amfibiyani ishlab chiqarish tiklanmoqchi

Rossiyaning Birlashgan aviasozlik korporatsiyasi A-40 “Albatros” samolyot-amfibiyani ishlab chiqarishni tiklash loyihasi ustida ish olib bormoqda. Bu haqda “Gidroaviasalon-2018” ko‘rgazmasi arafasida korporatsiya matbuot xizmati ma'lum qildi.    

2016 yilda Qora dengiz floti dengiz aviatsiyasi rahbari Gennadiy Zagonov yangi A-40 gidroplanlari aviatsiya parkini to‘liq yangilash doirasida Be-12 samolyot-amfibiyalar o‘rnini egallashini ma'lum qilgan.

A-40 “Albatros” (Be-42) — sobiq ittifoqda loyihalangan ko‘p maqsadli samolyot-amfibiya bo‘lib, Be-12 o‘rnini egallash uchun mo‘ljallangan bo‘lgan. Loyiha ittifoq parchalangandan keyin to‘xtatilgan. Samolyotning maksimal uchish og‘irligi 90 tonnani tashkil qiladi va bunday ko‘rsatkichga dunyodagi boshqa birorta shu turdagi samolyot ega emas.