To‘yxonada fuqaro o‘z tanishini pichoq bilan jarohatladi

Joriy yilning 11 sentabr kuni Namangan shahrida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, shu shaharda yashovchi A.T. “Azia Boing” to‘yxonasida o‘zaro janjal oqibatida tanishi I.T.ning qorin qismiga pichoq bilan urib, jarohat yetkazishi natijasida I.T. kasalxonaga yotqizilgan. A.T. ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.