MIB xodimiga pora taklif qilgan shaxsga nisbatan jinoyat ishi qo‘zg‘atildi

Departamentning Toshkent viloyat boshqarmasi xodimlari tomonidan tezkor tadbir o‘tkazildi, deb xabar bermoqda Bosh prokuratura matbuot xizmati.

Unda fuqaro A.Yu. umumiy foydalanishdagi gaz tarmog‘iga noqonuniy ulanib, 16 sotix yer maydonida issiqxona qurganligi holati yuzasidan tegishli hujjatlarni rasmiylashtirmaslik evaziga Majburiy ijro byurosi Yangiyo‘l tuman bo‘limi tezkor sho‘'basi inspektori J.Aslonovning xizmat xonasida unga 400 AQSh dollari pora bergan vaqtda ashyoviy dalillar bilan ushlangan.

Mazkur holat yuzasidan A.Yu.ga nisbatan O‘zbekiston Respublikasi Jinoyat kodeksining 211 moddasi 1-qismi bilan jinoyat ishi qo‘zg‘atilib, tergov harakatlari o‘tkazilmoqda.

Eslatib o‘tamiz, avvalroq Andijonda MIB xodimiga pora taklif qilgan shaxs ushlangani xabar berilgandi.