Andijonda MIB xodimiga pora taklif qilgan shaxs ushlandi

Illyustrativ foto

Departamentning Andijon viloyat boshqarmasi xodimlari tomonidan tezkor tadbir o‘tkazildi. Bu haqda Bosh prokuratura matbuot xizmati xabar bermoqda.

Unda fuqaro N.M. Majburiy ijro byurosi Andijon viloyat boshqarmasi tezkor sho‘'basi katta inspektori I.Mashrapovga YaTT Sh.U.ga tegishli bo‘lgan, muzqaymoq saqlovchi korxonaga o‘rnatilgan elektr hisoblagichni Toshkent shahrida joylashgan «ASIA ENERGOMERA» MChJga laboratoriya tekshiruviga yubormaslik hamda hisoblagichga ta'sir ko‘rsatganlik holati bo‘yicha xulosa olmaslik evaziga 300 AQSh dollari pora bergan vaqtida ushlangan.

Mazkur holat yuzasidan N.M.ga nisbatan O‘zbekiston Respublikasi Jinoyat kodeksining 211 moddasi 1-qismi bilan jinoyat ishi qo‘zg‘atilib, tergov harakatlari o‘tkazilmoqda.