Dushanbe aeroportida politsiyachi o‘z hamkasbini o‘qqa tutdi

Dushanbe aeroportida militsiya zobiti boshqa bir zobitga o‘q uzib, yaraladi. Hodisa 6 oktabr kuni kechqurun sodir bo‘ldi, deya xabar qilmoqda Avesta.

Tasdiqlanmagan ma'lumotlarga ko‘ra, Dushanbe aeroporti IIVB jinoyat qidiruv bo‘limi xodimlaridan biri o‘z hamkasbiga qarata o‘q uzgan. Shu bilan birga, qayd etilishicha, otishma sodir etgan militsiya xodimi mast bo‘lgan.

Tojikiston Ichki ishlar vazirligi matbuot kotibi Imomali Umarjoniy shunday hodisa yuz berganini tasdiqlab, o‘q uzgan politsiya xodimi ushlangani va yaralangan xodim shifoxonada ekanini ta'kidlab o‘tdi.