Rossiya Eronga AQSh sanksiyalarini chetlab o‘tishga yordam beradi

Rossiya Eronga Amerika sanksiyalarini chetlab o‘tish mexanizmini yaratishga yordam beradi. Bu haqda Mako.co.il nashri Isroil Tashqi ishlar vazirligining maxfiy hujjatiga asosan xabar bermoqda.

Nashr ma'lumotlariga ko‘ra, Eron o‘z neftini Kaspiy dengizi orqali Rossiya neftni qayta ishlash zavodlariga yetkazib beradi. Shundan keyin neft xalqaro bozorda Rossiya mahsuloti sifatida sotila boshlanadi.

Ta'kidlanishicha, bunday reja Rossiya, Eron va Turkiya ishtirokida Tehronda bo‘lib o‘tgan uch tomonlama sammitda ma'qullangan.

Bundan tashqari, materialda aytilishicha, Yevropa ham bu mexanizmning amalga oshirilishiga qarshi bo‘lmaydi. Shu tariqa, Yevropa davlatlari Eronning yadroviy bitimdan voz kechishini istamayapti.

Eslatib o‘tamiz, avvalroq Suriyada Rossiya yetkazib bergan S-300’ni kim boshqarishi oshkor bo‘lgandi. Qayd etilishicha, buni eronliklar qiladi.