Kreml Oq uyning Putinga taklifi haqidagi savolga javob qaytardi

Rossiya prezidenti matbuot kotibi Dmitriy Peskovning so‘zlariga ko‘ra, hozirgi bosqichda Oq uyning Vladimir Putinni Vashingtonga taklifi bo‘yicha murojaatni muvofiqlashtirib olish kerak. Bu haqda RIA «Novosti» xabar qilmoqda.

«U e'lon qilindi, ammo hali kelishilmagan. Hozircha hech narsa muvofiqlashtirib olinmagan», - dedi Peskov. 

Eslatib o‘tamiz, avvalroq Oq uy Putinni Vashingtonga taklif qilgandi.

AQSh prezidentining milliy xavfsizlik masalalari bo‘yicha maslahatchisi Jon Bolton so‘zlariga ko‘ra, Oq uy Rossiya yetakchisi Vladimir Putinni Vashingtonga taklif qilgan. Bolton Tbilisiga qilgan tashrifi doirasida bunday bayonot bilan chiqdi. «Biz prezident Putinni Vashingtonga taklif qildik», - dedi Bolton.