Kanada bosh vaziri Qoshiqchi ishi bo‘yicha audioyozuvlar borligini tasdiqladi

Kanada bosh vaziri Jastin Tryudo saudiyalik muxolif jurnalist Jamol Qoshiqchining o‘ldirilishi bo‘yicha ish yuzasidan audioyozuvlar borligini tasdiqladi. Bu haqda «RIA Novosti» xabar bermoqda.

Uning so‘zlariga ko‘ra, Kanada maxsus xizmatlari ushbu materiallar bilan tanishib chiqqan.

Shuningdek, uning qo‘shimcha qilishicha, Kanada Qoshiqchi ishi bo‘yicha Turkiya bilan hamkorlik qilmoqda.

Tryudoning bildirishicha, bir necha hafta oldin Turkiya prezidenti Rajab Toyyib Erdo‘g‘an bilan telefon orqali suhbatlashdi va Parijga tashrifi davomida qisqacha muloqot o‘tkazdi, unda Turkiya rahbariga «Qoshiqchi bilan bog‘liq vaziyatga munosabat bildirishdagi qat'iylik uchun» minnatdorchilik bildirdi. Tryudoning so‘zlariga ko‘ra, Kanada boshqa davlatlar bilan bu hodisani tergov qilish va qotillikda aybdorlarni javobgarlikka tortish bo‘yicha hamkorlikni davom ettirmoqda.

Eslatib o‘tamiz, avvalroq Saudiya shahzodasiga yaqin shaxslar «dushmanlarning» o‘ldirilishini muhokama qilishgani xabar berilgandi.