Prezident farmoni: Fransiya fuqarolari uchun vizasiz rejim belgilandi

Fransiya Respublikasi fuqarolari uchun O‘zbekiston Respublikasiga kirishda vizasiz rejimni belgilash to‘g‘risidagi prezident Farmoni qabul qilindi.

Adliya vazirligi telegram-kanali xabariga ko‘ra, farmonga muvofiq endilikda Fransiya fuqarolari O‘zbekiston hududiga tegishli vizani rasmiylashtirmasdan 30 kungacha kirishlari mumkin. 

Eslatib o‘tamiz, avvalroq O‘zbekiston Respublikasi prezidenti Shavkat Mirziyoyev Fransiyaga tashrif chog‘ida ushbu davlat yirik kompaniyalariga chaqiriq bilan chiqqandi.