Lukashenko Belarus iqtisodiyotidan xavotirda

Belarus prezidenti Aleksandr Lukashenko mamlakat iqtisodiyotidagi xavotirga sabab bo‘layotgan holatga e'tibor qaratdi. Bu haqda davlat rahbari matbuot xizmati xabar qilmoqda.

Prezidentning so‘zlariga ko‘ra, bugungi kunda deyarli barcha tarmoqlarda iqtisodiy o‘sish kuzatilmoqda, biroq mintaqaning boshqa mamlakatlarida ham yaxshi iqtisodiy ko‘rsatkichlar mavjud. Lukashenkoning eslatishicha, bunday kon'yunktura o‘sishi abadiy davom etmaydi.

«Ochig‘ini aytadigan bo‘lsak, bizning iqtisodiyotimizda asosiy trendlar pastga tushib ketgani va Belarus yana jahondagi o‘rtacha sur'atdan past bo‘lgan rivojlanish zonasiga kirib qolgani juda tashvishli», - dedi Lukashenko.

Uning qo‘shimcha qilishicha, bunday voqealar rivoji qabul qilib bo‘lmasdir.

Eslatib o‘tamiz, avvalroq Belarus internet erkinligini cheklash yo‘lini topgani xabar qilingandi.