Erdo‘g‘an Putin bilan muzokara o‘tkazish uchun Rossiyaga keldi

Turkiya prezidenti Rajab Tayyip Erdo‘g‘an bir kunlik tashrif bilan Rossiyaga keldi. Bu haqda o‘z manbasiga tayanib TASS xabar berdi.

Erdo‘g‘an Moskvada Rossiya prezidenti Vladimir Putin bilan uchrashadi. 

TASSning ma'lum qilishicha, Turkiya prezidentiga mamlakat tashqi ishlar va mudofaa vazirlari, milliy razvedka tashkiloti rahbari va boshqa qator idoralar rahbarlari hamrohlik qilmoqda.

Avvalroq Kreml Suriya shimoli va Idlib viloyatidagi vaziyat Putin va Erdo‘g‘anning diqqat markazida bo‘lishini xabar qilgandi.