Yaponiya raketalar bo‘yicha yangi bitimga oid taklif bilan chiqdi

Yaponiya TIV rahbari Taro Kononing ma'lum qilishicha, Tokio agar avvalgi bitim amal qilishni to‘xtatsa, Pekinni O‘rta va kichik masofadagi raketalarni yo‘q qilish to‘g‘risidagi yangi bitimga jalb qilish lozim, deb hisoblaydi. Bu haqda TASS xabar bermoqda.

Kononing so‘zlariga ko‘ra, bitim juda muhim ahamiyatiga ega edi. Shu bilan birga, Yaponiya tomoni AQSh bitim bo‘yicha o‘z majburiyatlarini bajarishni to‘xtatib qo‘yganiga tushunish bilan qaramoqda.

«Shunga qaramay, uning amal qilishining to‘xtatilishi butun dunyo uchun juda yomon», - dedi Kono.

Uning qo‘shimcha qilishicha, agar O‘rta va kichik masofadagi raketalarni yo‘q qilish to‘g‘risidagi bitim amal qilishni to‘xtatsa, Yaponiya tomoni qurolsizlanish bo‘yicha xalqaro tuzilma yaratishga hissa qo‘shishi mumkin. Bundan tashqari, unga AQSh, Xitoy va Rossiya ham jalb etilishi lozim.

Eslatib o‘tamiz, avvalroq AQShning raketa bitimidan chiqish muddati ma'lum qilingandi.