Pompeo Rossiyani NATOni parchalashni istayotganlikda aybladi

Rossiya NATOni "sindirmoqchi", dedi AQSh davlat kotibi Mayk Pompeo Polshaning Bemovo shahrida joylashtirilgan amerikalik harbiylar bilan uchrashuvida.

"Davr o‘zgardi. Bir paytlar sovetlar tajovuzidan qo‘rqardik. Bugungi kunda qo‘mondonlarimiz Rossiya tajovuziga nisbatan hushyor turibdi", - dedi Pompeo. 

"Vladimir Putin ittifoqimizni sindirishni rejalashtirgan. Shuning uchun NATOning sharqiy qanotidagi ishtirokimizni kuchaytirdik", - dedi u.

Pompeo Polshaga Yaqin Sharq bo‘yicha vazirlar konferensiyasida ishtirok etish uchun tashrif buyurdi.