![](https://storage.kun.uz/source/3/UfYjouNUUy91VS-UQ7euT0RNu6DBJV_1.jpg)
Foto: RIA Novosti
Ikkinchi marta davlat rahbari lavozimiga nomzodini qo‘ygan Ukraina prezidenti Pyotr Poroshenko saylov kampaniyasiga 70 million griven (2,5 million dollardan ortiq) mablag‘ sarfladi, u kampaniyani o‘z mablag‘lari hisobidan moliyalashtirmoqda. Bu haqda prezident shtabi vakili Oleg Medvedev ma'lum qildi.
"Ayni paytda kampaniya uchun 70 million griven sarflandi. Jami qancha mablag‘ sarflanishi hozircha aniq emas", - dedi Medvedev. Uning so‘zlariga ko‘ra, Poroshenko o‘z saylov kampaniyasini o‘zi moliyalashtirmoqda.
Ukraina prezident saylovi 31 martda bo‘lib o‘tadi. Prezidentlikka jami 44 kishi o‘z nomzodini qo‘ygan.