Pokiston ustidan parvoz qilishga qo‘yilgan taqiq uzaytirildi

Foto: AP Photo/Fareed Khan

Pokiston aviatsiya rahbariyati mamlakat ustidan parvoz qilish borasidagi taqiq muddatini yana bir kunga uzaytirdi

Bu haqda Pokiston fuqaro aviatsiyasi boshqarmasi saytida xabar qilindi.

Shu bilan birga, mamlakatning to‘rt aeroporti tijorat parvozlarini cheklangan rejimda amalga oshirmoqda. Bular Peshovar, Kvetta, Karochi, Islomoboddagi aeroportlar bo‘lib, ular 1 mart kuni tegishli ruxsatnomani olgan.

Pokiston havo sarhadi Hindiston bilan keskinlik yuzaga kelgani sababli 27 fevral kuni yopilgandi. Vaziyat keskinlashishiga Jammu va Kashmir shtatida hind harbiylariga hujum qilinishi sabab bo‘ldi. 45 kishining hayotiga zomin bo‘lgan mazkur hujum uchun javobgarlikni "Jayishi Muhammad" guruhi o‘z zimmasiga olgan.

Tayyorlagan: Дилшод Аскаров

#Pokiston #aviatsiya

14 fevral kuni Pokiston hududida o‘rnashgan «Jaysh-e-Muhammad» terrorchi guruhi Kashmirda Hindiston armiyasi harbiylari kolonnasi o‘tayotgan yo‘lda terakt sodir etishi natijasida 46 nafar hind harbiysi halok bo‘ldi. Bu voqea ortidan Pokiston va Hindiston munosabatlarida mojaro yana avj oldi.