Surxondaryoda «Boysun bahori» qanday boshlandi?

Joriy yilning 28-29 aprel kunlari Surxondaryo viloyati Boysun tumanida o‘tkazilishi rejalashtirilgan ochiq folklor festivali - «Boysun bahori» boshlandi. Bu haqda Kun.uz muxbiri xabar bermoqda. 

Ikki ming yillik tarix va davlatchilikka ega qadim yurtning 2008 yil YuNeSKO reprezentativ ro‘yxatiga nomoddiy madaniy meros sifatida kiritilgan bu hududda «Boysun bahori» festivalini o‘tkazish an'anaga aylandi.

27 aprel kuni festivalning ochilish marosimi oldidan kurash, xalq sayli va tomoshalar tashkil etildi. Yomg‘irli havoning o‘zgarib turishiga qaramay, festivalga allaqachon minglab odamlar yetib kelgan.