Samarqandda 18 yoshli yigit xorijiy valutadagi pullarni o‘g‘irlab ketdi

2019 yil 21 may kuni Samarqand shahrida Umar Hayyom ko‘chasida yashovchi 56 yoshli Z.G‘. ismli ayol IIBga murojaat qilgan, deb xabar bermoqda O‘zbekiston Respublikasi IIV Jamoatchilik va OAV bilan aloqalar boshqarmasi.

U shu yil 20 may kuni noma'lum shaxs uyi eshigini kalit tanlash yo‘li bilan ochib kirib, uyidan xorijiy valutadagi pullari va 2 turdagi zargarlik buyumlarini o‘g‘irlab ketganligini ma'lum qilgan.

Ko‘rilgan choralar natijasida ushbu jinoyatni Past Darg‘om tumani Bakir mahallasida yashovchi 18 yoshli I.J. sodir etganligi aniqlanib, ushlangan. 

Holat yuzasidan jinoyat ishi qo‘zg‘atilib, tergov harakatlari olib borilmoqda.