«So‘qoq erkin ekoturistik zonasi»ni tashkil qilish taklif etildi 

“Mening fikrim” jamoaviy murojaatlar portalida “So‘qoq erkin ekoturistik zonasi”ni tashkil qilish haqida petitsiya e'lon qilindi.

Toshkent viloyati Parkent tumani o‘z tabiati, toza va musaffo havosi bilan ko‘plab tashrif buyuruvchilarni o‘ziga jalb qilishi ta'kidlangan. Ayniqsa, tumandagi So‘qoq qishlog‘i chinakamiga ekoturizm uchun juda mos joy hisoblanadi. 

“Yildan yilga tashrif buyuruvchilarning soni ortib bu yerda o‘zgarishlar qilishni talab etmoqda. So‘qoqda ekoturistik zonani tashkil etish mamlakatimizning turizm sohasidagi imidjini yanada oshishiga xizmat qiladi”, - deb yozadi murojaat muallifi.

Shu sababdan Parkent tumani, So‘qoq qishlog‘ida “So‘qoq erkin ekoturistik zonasi”ni tashkil qilishni taklif etilmoqda.