Eron kontrabanda yonilg‘i olib ketayotgan xorij tankerini ushladi

Islom inqilobi qo‘riqchilari korpusi Fors ko‘rfazida kontrabanda yonilg‘i olib ketayotgan xorij tankerini ushladi. Bu haqda ISNA agentligi xabar berdi.

Xabarda aytilishicha, tanker 700 ming litr kontrabanda yonilg‘i olib ketayotgan bo‘lgan.

Al-Mayadeen telekanalining xabar berishicha, tankerning yetti nafar ekipaj a'zosi hibsga olingan.

Eslatib o‘tamiz, Islom inqilobi qo‘riqchilari korpusi 19 iyulda Buyuk Britaniyaga qarashli Stena Impero tankerini ushlagandi. Tehronning ta'kidlashicha, tanker baliqchilik kemasi bilan to‘qnashgani va halokat signaliga javob bermagani uchun ushlangan.