Hindiston Pokiston bilan birga Rossiyadagi harbiy mashg‘ulotlarda qatnashadi

Hindiston harbiylari keskin munosabatga qaramasdan Pokiston harbiylari bilan birgalikda 16 sentyabrdan 21 sentyabrgacha Rossiyada bo‘lib o‘tadigan "Markaz-2019" harbiy strategik mashg‘ulotlarda qatnashadi. NDTV telekanalining xabar berishicha, Hindiston mashg‘ulotlarga quruqlik va HHK qo‘shinlaridan iborat yirik guruhni jo‘natadi.

"ShHT harbiy mashg‘ulotlari antiterroristik hamkorlikka qaratilgan", - degan manba.

Shanxay hamkorlik tashkilotiga a'zo sakkiz davlat (Rossiya, Xitoy, Pokiston, Qirg‘iziston, Hindiston, Qozog‘iston, Tojikiston va O‘zbekiston) harbiylari hamkorlikda kontrterror amaliyotlarini o‘tkazishadi.

Hindiston va Pokiston o‘tgan yili Rossiyada bo‘lib o‘tgan "Tinch missiya" mashg‘ulotlarida birgalikda qatnashgandi.