Bangladeshdagi rohinja qochoqlariga mobil aloqadan foydalanish taqiqlandi

Bangladesh hukumati barcha operatorlarga mamlakat janubi sharqidagi lagerlarda yashayotgan millionga yaqin rohinja qochoqlari uchun mobil aloqa xizmatlari ko‘rsatishni to‘xtatishga buyruq berdi. Bu haqda bdnews24 nashri xabar berdi.

"Operatorlar xavfsizlik nuqtai nazaridan, hamda jamoat tartibini saqlash maqsadida rohinja elati vakillariga mobil aloqadan foydalanishni cheklash to‘g‘risida buyruq oldi", - deyiladi hukumat yo‘riqnomasida.

Operator kompaniyalar lagerlardagi tarmoqlarni yopish uchun amalga oshirilgan ishlar to‘g‘risida yetti kun ichida hisobot topshiradi.

Mahalliy politsiyaning fikricha, qochoqlar ko‘plab vaqtdan buyon qo‘shni Myanmadan olib o‘tiladigan giyohvand moddalar savdosini amalga oshirish uchun mobil aloqadan foydalanishni "suiiste'mol" qilishgan.