O‘zbekiston - Iordaniya siyosiy maslahatlashuvlari bo‘lib o‘tadi

2019 yilning 17 sentabr kuni O‘zbekiston Respublikasi va Iordaniya Hoshimiylar Qirolligi delegatsiyalari o‘rtasida vazirliklararo siyosiy maslahatlashuvlar bo‘lib o‘tadi.

Tashqi ishlar vazirligi xabariga ko‘ra, O‘zbekiston delegatsiyasiga tashqi ishlar vazirining o‘rinbosari Dilshod Axatov boshchilik qiladi.

Bundan oldin, O‘zbekiston Respublikasi tashqi ishlar vazirining birinchi o‘rinbosari Ilhom Ne'matov Iordaniya Hoshimiylar Qirolligining favqulodda va muxtor elchisi Solih Ahmad Al-Javarneh bilan uchrashgandi.

Uchrashuvda Ammon shahrida bo‘lib o‘tadigan vazirliklararo siyosiy maslahatlashuvlarning birinchi raundi munosabatlarning eng istiqbolli yo‘nalishlarini aniqlashga va umumiy sa'y-harakatlarni ularni amalga oshirish uchun yo‘naltirishga imkon berishi ta'kidlangan.