AQSh Xitoyning 28 ta tashkilotiga qarshi sanksiyalar kiritdi

AQSh savdo vazirligi Xitoyda uyg‘urlar bilan bog‘liq vaziyat sababli Xitoyning 28 ta tashkilotini sanksiyalar ro‘yxatiga kiritdi. Bu haqda vazirlikning hujjatida ma'lum qilingan.

“Bu 28 ta tashkilot AQShning tashqi siyosiy manfaatlariga qarshi boruvchi faoliyat bilan shug‘ullanadi. Bu tashkilotlar Xitoy uyg‘urlar, qozoqlar va Sinszyan-Uyg‘ur muxtor tumanidagi musulmon ozchilikning boshqa vakillariga qarshi olib borayotgan inson huquqlari buzilishlariga aloqador. Bu tashkilotlarning barchasi Xitoyda joylashgan”, deyilganda hujjatda.

Sanksiyalar eksport, bu tashkilotlar bilan bog‘langan obektlarga nisbatan reeksportga taalluqli bo‘ladi.

Sinszyan-Uyg‘ur muxtor tumani Xitoy shimolida joylashgan bo‘lib, u yerda asosan islom diniga e'tiqod qiluvchi uyg‘urlar yashaydi. Pekin ma'lumotlariga ko‘ra, tumanda xalqaro terrorchilik tashkilotlari bilan aloqaga ega ayirmachi guruhlar harakat qiladi. 2018 yil oxirida Xitoy hukumati tumanda terrorchilik va ekstremizm ta'siriga tushgan odamlar qayta tarbiyalanadigan ta'lim va kasbiy tayyorgarlik markazlari faoliyat yuritishini tan olgan.