“Saylov - 2019” videoroliklar tanlovi e'lon qilindi
Ijodiy ishlar 2019 yilning 15 oktyabridan 15 noyabriga qadar qabul qilinadi. G‘oliblar 1-o‘rin uchun 10 million so‘m, 2-o‘rin uchun 7 million so‘m va 3-o‘rin uchun 5 million so‘m pul mukofoti bilan taqdirlanadi.
“Taraqqiyot strategiyasi” markazi, Markaziy saylov komissiyasi, Xalqaro matbuot markazi va Xalqaro press-klub “Saylov - 2019” videoroliklar tanlovini e'lon qildi
Unda yoshidan qat'i nazar barcha professional va havaskorlar ijodkorlar qatnashishi mumkin.
Tanlov talabiga ko‘ra, ishtirokchilar saylov va uning insonlar hayotiga ta'siri haqida kreativ, ta'sirchan va zamonaviy yondashuv aks etgan hamda davomiyligi 2 daqiqagacha bo‘lgan o‘zbek, rus yoki ingliz tillarida videorolik tayyorlashlari lozim.
Tanlovga planshet, shaxsiy kompyuter mobil telefon va boshqa vositalar orqali tayyorlangan AVI, MP4, MOV, MPEG formatidagi istalgan janrdagi videomateriallar: sahnalashtirilgan, hujjatli, animatsion, musiqiy va boshqa janrdagi ishlar qabul qilinadi.
Arizalar 2019 yilning 15 oktyabridan 15 noyabriga qadar “Taraqqiyot strategiyasi” markazi ofisida hamda info@strategy.uz elektron pochtasi va telegramdagi rasmiy kanali t.me/dscuzbekistan orqali qabul qilinadi.
Tanlov nominatsiyalari:
Eng yaxshi sahnalashtirilgan videorolik;
Eng yaxshi animatsion videorolik;
Eng yaxshi informatsion videorolik;
Muxlislar e'tirofini qozongan videorolik.
G‘oliblarga quyidagi miqdordagi pul mukofoti beriladi: 1-o‘rin uchun 10 million so‘m; 2-o‘rin uchun 7 million so‘m va 3-o‘rin uchun 5 million so‘m.
Tanlovga taqdim etilgan ijodiy ishlar Hakamlar hay'ati tomonidan ko‘rib chiqiladi va baholanadi.
Mavzuga oid
15:00
Siyosiy partiyalar saylovoldi tashviqotiga oid odob-axloq qoidalarini imzoladi
11:50
Gurjistonda saylovlardagi qonunbuzarliklar YeI bilan vizasiz rejimga tahdid solishi mumkin
20:54 / 20.09.2024
AQShdagi 2024 yilgi saylovlar: so‘rovlar nimani ko‘rsatmoqda?
10:00 / 18.09.2024