Shifokorlar Assanj qamoqxonada vafot etishi mumkinligidan xavotirlanmoqda

Foto: Victoria Jones/PA via AP

Yevropaning qator davlatlaridan va Avstraliyadan bo‘lgan 60 nafar shifokorlar guruhi WikiLeaks asoschisi Julian Assanjning salomatligi borasida xavotir bildirdi va uni zudlik bilan kasalxonaga yotqizishga chaqirdi. Bu haqda Sky News telekanali xabar berdi.

"Tibbiy nuqtai nazardan, mavjud dalillarga asoslanib, Assanjning 2020 yil fevralida sud oldida javob berishga qodirligi borasida jiddiy xavotirimiz bor. Eng asosiysi, janob Assanj jismoniy va ruhiy salomatligi borasida tezkor tibbiy ekspert xulosasiga muhtoj", - Britaniya tashqi ishlar vaziri Priti Patelga yo‘llangan maktubda.

Telekanalning qayd etishicha, Assanj Belmarsh qamoqxonasida saqlanmoqda. Shifokorlarning fikricha, WikiLeaks asoschisi jismoniy va ruhiy azoblarni boshidan kechirmoqda. Mutaxassislar Assanj zudlik bilan maxsus klinikaga yotqizilishi va professional shifokorlar nazorati ostida davolanishi lozim degan fikrda.

"Agarda zudlik bilan tekshiruv va davolash ishlari olib borilmasa, Assanj qamoqxonada vafot etishi mumkin degan jiddiy xavotirimiz bor", - deya ta'kidlagan shifokorlar.

Avvalroq Assanjning qamoqxonada vafot etishi mumkinligi borasida uning otasi Jon Shipton o‘z tashvishini bildirgandi.

Tayyorlagan Дилшод Аскаров

#Julian Assanj

Jurnalist, WikiLeaks sayti asoschisi Julian Assanj josuslik mojarolari haqidagi o‘ta maxfiy materiallarni e’lon qilib kelgan. 2010 yilda Shvetsiyada uni hibsga olish uchun order berildi. 2012 yilda Assanj Ekvadorning Londondagi elchixonasiga yashirindi va ushbu davlat rahbariyatidan siyosiy boshpana so‘radi. U yetti yil davomida elchixonada yashadi, 2019 yil 11 aprel kuni Ekvador unga boshpana bo‘yi