KXDR AQShga «Rojdestvo sovg‘asi» tayyorlayotganini ma'lum qildi
Shimoliy Koreya tashqi ishlar vazirligi Vashington Pxenyandan "Rojdestvo sovg‘asi" olishi mumkinligini ma'lum qildi. Bu haqda CNN telekanali xabar berdi.
KXDR tashqi ishlar vaziri Ri Txe Son ana shunday bayonot bilan chiqdi. U AQShni denuklearizatsiya bo‘yicha muzokaralarni cho‘zishda va amerikalik siyosatchilarni bu muzokaralardan o‘z maqsadlarida foydalanishda aybladi.
"AQSh reklama qilgan muloqot aslida KXDRni bu muloqotga olib kirish va undan saylov kampaniyasi davomida o‘z siyosiy maqsadlarida foydalanish uchun qilingan ahmoqona hiyladan boshqa narsa emas", - dedi Ri Txe Son.
"Rojdestvoga qanday sovg‘a olish Qo‘shma Shtatlarning o‘ziga bog‘liq", - deb qo‘shib qo‘ydi diplomat.
Ri Txe Sonning bayonotidan bir necha soat keyin AQShning Shimoliy Koreya bo‘yicha maxsus vakili Stiven Bigan Vashington yadroviy qurolsizlanish bo‘yicha Pxenyan bilan muzokaralardan voz kechmasligini ma'lum qildi.
Mavzuga oid
22:03 / 22.09.2024
Tramp debat o‘tkazish haqidagi Harris taklifini rad etdi
23:13 / 21.09.2024
Harris saylov kampaniyasida Trampdan uch barobar ko‘p mablag‘ to‘pladi - OAV
20:40 / 21.09.2024
Shimoliy Koreyaga qochib o‘tgan amerikalik askar sharmandalarcha armiyadan haydalgani ma’lum bo‘ldi
17:10 / 21.09.2024